|
·
Begin ·
T Hoorn ·
T
Bloazn ·
Senioorn ·
Junioorn ·
Info ·
Nij |
|
Stichting
Mirweinterhoornbloazn Twenthe © 2007 |
|||
|
Mirweinterhoorn |
|||||
|
|
|
||||
|
Umdat n nat hoorn nat mos wördn holdn
en nog a zwoar was, wör der bovn de put bloazn. n Nat hoorn hung in de put en
trök zoa dicht. Doar kwam nog bie, dat zo’n nat hoorn vaak bevröas. n
putraand broekn ie dan om t hoorn op te legn. t Is nich bewezn, dat t bloazn
bovn de put meuier kleinkt. t Bloazn t Bloazn geat zoer en de lipn en
kinbakn hebt der van te liedn. t Bloazn op n hoorn of trompet is net allees.
Umdat der gen ventieln op zitt, komt der bloos natuurteun oet. Vuurdat ie t
bloazn recht in de vinger hebt, geat der wa n joar of wat vuurbie. Op de foto zee’j n kruudnhof van t
Lammerinkswönner in de Esmarke bie Eansche.
Achter de wear steat ne rie
prachtige eeknböam waar t geluud van t mirweinterhoorn mooi van teruw
koump. Wis as t vrös. Der wördt aait um de buurt bloazn. n
boer met ziene zöns, dochters, knechtn of nen noaber. Der wördt nooit
tegeliek bloazn. t Hoorn is nich te stemn, schoonwal watn heurn met de toon
oardig dicht bie mekaar zitt. Mangs löp nen bloazer nen eand vot en dan gewt
ze zik mekaar gescheed. |
De melodie Vaak bloas ie vief teun in ne bepoalde volgorde. De “melodie”
verschilt van boerschop tot boerschop . t Is luk n klagelik geluud, mer
kleinkt prachtig in t zoa eagn coulisnlaandschop van Twenthe. At t vrezend
weer is. Kö’j t hoorn völ wieder heurn. t
Melancholische geluud kleinkt dan kilometers wied. De wieze van bloazn verschilt van kloch tot kloch. De bloazers
gewt t an mekaar duur: bloazn leern is mekaar noadoon. Heelbool bloazers könt
zes teun oet t hoorn haaln. Dat kost völ meuite! |
||||
|
|
|
||||
N’ geluud da’j nit verget |
|||||
|
Foto: In ’t tweeduuster wor der bovn de put bloazn… |
vedan > |
||||
